ANDONI

ANDONI GALARZA

“Musika taldeko abeslaria izateak ez du ligatzen laguntzen: hori topikoa besterik ez da”

Andoni Galarza Solokoetxe BHIko 4.mailako ikaslea izateaz gain, musikaria ere bada: talde bateko ahotsa eta gitarra. Gaur, mundu horretara hurbilduko gaitu bere esperientzia eta hainbat sekretuen bitartez.

Egun on, Andoni! Musikaz aritzen zarela jakin badakigu. Lagun talde batean, ezta?

Hori da, bai.

Nola deitzen da zuen taldea? Zer dela eta aukeratu zenuten izen hori?

Nire taldea Insecurity deitzen da, eta izena aukeratu genuen abesti baten bitartez. “Insecure” esaten da lerro batean, eta oso aproposa iruditu zitzaigun gure taldearentzat.

Noiz hasi zinen gitarra jotzen? Zergatik? Zure kabuz edo irakasle batekin?

Gitarra jotzen 15 urterekin hasi nintzen, eta, beno, orain arte oso pozik jarraitzen dut nire hobi honekin. Nire aitarekin hasi nintzen ikasten.

Musikak zertan aberasten zaitu?

Aberastu…? Denbora asko daramat musikaren inguruan, eta nire benetako zaletasuna izateaz gain, emozio asko sortarazten dizkit.

Erreza egiten zaizu ikasketak eta musika uztartzea?

Bai, dudarik gabe.

Zein da zuen taldeko eraketa? Zenbat denbora daramazue batera?

Nire taldea lau mutilek osatzen dugu: baxu bat, gitarra bi, eta bateria. Denok 18 urtekoak gara. Bi urte eta erdi daramagu batera, eta ondo moldatzen gara. Gainera, Mikel eta biok abeslariak gara, eta, egia esanda, ez dago ahots nagusirik: biok batera kantatzen dugu, ahots bakarra baliz bezala. Esan nahi dut ez dagoela protagonismoa daukan inor.

Zenbat bider entseatzen duzue astean?  Non?  Zer lantzen duzue entseguetan?

Segun eta. Bi, hiru, lau bider entseatzen dugu astean, Arizen -Basaurin- daukagun lokal batean. Entsegu egunak ezberdinak izaten dira: batzuetan kanta berriak lantzen ditugu, beste batzuetan gure kontzertuak, eta, askotan, talde moduan hobetzeko dauzkagun puntuak indartzen ditugu.

Zuek konposatzen dituzue jotzen dituzuen kantak? Bertsioak ere egiten duzue?

Gaur egun, bai; gaur egun ia abesti guztiak geureak dira. Hasieran bertsioak jotzen hasi ginen, baina bilakaera egotea beharrezkoa ikusten dugu, beraz, momentu honetan gu geu arduratzen gara konposizioez.

Zein da zuen taldeko alderik onena (aipagarriena)?

Uste dut, guztiok musikaren maitaleak garenez, oso ondo konpontzen garela, eta elkar ulertzen dugula … Benetan dibertitzen garela.

Zer nolako planak dituzue etorkizunerako? Inoiz profesionalak izango zaretela uste duzu?

Benetan zaila da hori, baina amets egiteagatik ez da ezer gertatzen … Inoiz aukera irteten bada posiblea izango litzateke, baina momentuz, konformatu beharko gara daukagunarekin.

Kontzerturen bat aurreikusita daukazue hemendik eta gutxira?

Bai. Datorren hilean, 15ean, kontzertu bat daukagu Iralan, auzoko jaiak direla eta. Noski, denak gonbidatuta zaudete!

Zeren truke jotzen duzue?

Beno, gaur egun, krisia dela eta, benetan zaila da diruaren truke jotzea. Gehienetan afaria edo edaria eskaintzen digute.

Eta, amaitzeko, Andoni, musika taldeko abeslaria izateak “ligatzen” laguntzen dizu?

Ez, ez … Hori ez da horrela: topikoa besterik ez da.

Eskerrik asko, Andoni. Orain arteko ibilbidea aurrera joatea espero dugu.

AINHOA eta GARAZI (DCko ikasleak)