AZAROAREN 25

AZAROAREN 25a

    Ekilore taldeko partaideek, azaroak 25ean, Emakumeen aurkako indarkeriarekin bukatzeko nazioarteko egunean, hainbat ekintza antolatu genituen. Dinamika anitz prestatu genituen, hain zuzen:

1. Klasean bideoak ikusi eta dinamizatu genituen. Azken saioan, ikasleek postit-etan genero indarkeriarekin bukatzeko proposamen komunitarioak idatzi genituen eta ondoren kartulina batean mezuak itsatsi genituen.

2.  Lazo moreak egin genituen eta ikasleen artean banatu genituen.

3. Klase amaieran megafoniatik “Machote kontuz ibili” abestia jarria eta entzun genuen ikastetxe guztian zehar.

4. Aurten erail dituzten emakumeen omenez, ikastetxearen sarreran eta patioan kandelak jarri genituen.

5.    Ikasle eta irakasle batzuk morez eta beltzez jantzita joan ginen.

6. Errekreoan genero indarkeriaren biktimak ikusarazteko asmoz lurrean etzan ginen kandelez inguraturik.

EKILORE TALDEA

AZAROAREN 25.A

2016ko azaroaren 25a, barikua,

bariku beltza.

Astelehenean klasera sartu eta hara! Irakasleak txapa morearekin topatu genituen. Noski, bariku beltza heltzear zegoen, ahaztuta geneukan. Aste guztia igaro genuen horrela; egunerokotasunaren berdintasunean, txapa morea soinean zutelarik. Eguna heldu zen arte.

Ikasleon ekimena ikastetxetik kanpo burutzea erabaki genuen, gure zeresana kontuan har zitzan. Sarreran jarri ginen, batzuk lurrean eta besteak zutik, kandelak eskuan, hileta bat antzezteko asmoz; egunean behin balitz ere, emakume erailak gogora ekartzeko.

Ikasgelara sartu eta zera esan zigun irakasleak: “Gaur ere, beste emakume bat erail dute”. Hau ez da gure bakea pentsatu nuen nik. Mendeak eman ditugu ixilik, ez dago minutuko isilunerik jadanik.

Kaleak hartu genituen arratsalde eta gauean zehar Hego Euskal Herriko lau hiriburuetan. Hala ere, ez genituen behar bezain beste bete, izan ere, aste osoa txapa morearekin eman zuten hainbat, etxeko berotasunean gelditu ziren arratsalde pasa, hozteko arriskua zegoen eta, badaezpada.

Erakusleihoetan eder eta lirain irudikatu gintuzten berriz ere ostiral beltzean, guda honek ez baitauka su-etenik. Eta haserretu egin ginen, haserre jarraitzen dugu gaur ere. Baina aspaldi da haserre bizitzen ikasi genuenetik, eta egunerokotasunera itzuli ginen, uneren batean alde batera utzi bagenuen.

Gaur astelehena da berriro, astebete igaro da, denak normaltasunean darrai; filosofian gizonak soilik landuko ditugu, haiek hartu dute lekua “kurrikulumean” eta ez dago denborarik muga horietatik ihes egiteko. Espainiar literaturan ere, emakumeak aipatu ere ez. Espainiako historian aldiz, bai. Herrien babesle eta heroien emazte zein alabak aipatuko ditugu, heroi horien “zerbait” izatearen etiketarekin beti ere.

Etxera iritsiko naizenean ere, ez dut berririk aurkituko; ama arropak atontzen topatuko dut. Bazkaria amaitu eta fregona eta harrikoa hartuko ditut nik nire gain. Aita, iristean, sofan eseriko da eta zerbait hautatu behar izatekotan, sakelakoa aukeratuko du berak. Hala da, bai, ni ere emakumea naiz.

                                                                                                      Eztizen Artola Iturrate

EKILORE

EKILORE

 Ekilore sexuarteko berdintasuna sustatzen duen batzordea da; (homosexualitatea, gaur egungo nesken egoera…).

Kurtso hasieran, EKILORE batzordea martxan jarri zen baina, azkenean, ez zen aurrera atera. Orain, ikasle batzuk batzordea berpiztu dugu. Institutu batean beharrezkoa delako. Gainera, mutilentzat ere da batzordea nahiz eta partaide gehienak biti neskak izan. Pertsona askok feminismo hitza ez dute ezagutzen eta hori ere lantzen dugu batzordean. Feminismoa ez da bakarrik nesken eskubideak, berdintasunaren eskubidea baizik. Solokoetxen badaude hitz matxistak, espresio matxistak, homofobikoak… Horren aurka daudenentzako da batzordea, (eta ez lan egiteko gogoa dutenentzat).

Ekilorekoak puntu morea potentziatu nahi dugu eta horretarako lehiaketa bat egiteko asmoa dugu. Egin nahi duguna ongi ateratzen bazaigu, puntu berdearen lehiaketaren antzekoa izango litzateke, (baita sariak ere). Batzordean nahiko sartuak gaudenon-tzako martxoaren 8an eta azaroaren 25ean bazkari bat egingo dugu. Lehenengo ziklokoak eta bigarren ziklokoek desberdina dugunez urtean ikasle guztiak batera hiru bilera egingo ditugu. Hau da, gutxi gorabehera gure asmoa. Denen partaideko ongi etorria izango da.

Animatu, eta parte hartu!

 

EKILORE

Ekilore Solokoetxeko talde feminista bat da. 3.mailako ikasle batzuek antolatzen dute baina 1. Eta 2. mailakoek ere parte hartzen dute. Noizean behin bilerak egiten dituzte gauzak antolatzeko, feminismoa zer den ikasteko, horri buruzko jolasak egiteko… Feminismoarentzat garrantzitsuak diren egunetan (azaroak 25 eta martxoak 8) saio bereziak antolatzen dituzte: jolasak, antzerkiak... Solasaldia 3.DBHko zenbait neskekin mantendu dugu eta hauxe kontatu digute.
-    Zer da Ekilore taldea? Solokoetxen egiten  den mugimendu feminista den, sexuen eta pertsona ezberdinen arteko elkartea bilatzen duena, hainbat ekintzaren bidez. -    Zer lortu nahi duzue Ekilore taldearekin? Ikasleek eta irakasleek osatzen dugun komunitatearen barnean, bakoitzaren duintasuna errespetatuz, guztien arteko ganbio-parekotasuna lortzea da. -    Zer egiten duzue?
Noizean behin elkartzen gara Ekilore taldeko batzarrak egiteko eta ditugun egun adierazgarriak prestatzeko: Martxoak 8a eta Azaroaren 25a. -    Noiz egiten dituzue ekintzak edo bilerak ? Ez dago data zehatzik ordutegiak direla eta, baina normalean hilabetean behin. -    Zergatik sartu zineten Ekilore taldean? Taldea partaiderik gabe gelditu zen, eta aurrekoen lekua hartu nahi genuen. -    Jendea Ekilore taldean sartzen animatzeko zer esango zenieke? Taldearen ideologiarekin bat datozenek parte hartu dezakete. -    Nola ikasten du jendeak hobetu testuak irakurtzen edo jolasak egiten? Jolasen bidez ikaslearengana hobetu hurbildu gaitezke. -    Zer egin zenuten azaroak 25ean eta zer egingo duzue Martxoaren 8an? Azaroak 25ean 1.eta 2.mailarako kurtso didaktikoa, eta institututik kanpo konbokatu zen manifestaziora joan. -    Zer iruditzen zaizue Ekilore taldean  mutilak egotearen proposamena? Onartuko zenituzkete? Oso ondo iruditzen zaigu, baina normalean guk proposatu arren haiek ez dute parte hartu nahi.
	-    Zer adinetan hasi beharko ziren umeak horri buruz interesa-tzen? Ohitura hartzea da, txikitatik gure inguruan ohitura txarrak hartzen baditugu, heziketaren bidean ohitura horiek zuzentzen ahalegindu behar gara.
-    Zertan ez dute oraindik tratu berdina emakumeek eta gizonek? Kiroletan, lan baldintzetan… -    Zuen ustez zer komunikabidetan nabarmentzen da gehien matxismoa ? Guztietan orokorrean, telebistan adibidez, kate gehienetan.

   JONE MORALES, IBONE BILBAO, JULENE PIRIZ eta OLAIA ALBERDI

Zenbait arazo izan arren, Ekilore, Solokoetxeko gazteon batzorde feminista, berpizten ari da eta pasa den azaroaren 25ean utzi zituen bere lehenengo aztarnak.

E  K  I  L  O  R  E

Urte honetan, ideia eta plangintza ezberdinekin gatoz, eta gure ustez, talde honen iparra guztiz aldatu dugu. Ez gara emakumearenganako indarkeriaren kontrako gaian murgilduko: Carl Sagan zientzialariak zioenez, "Pastel bat zerotik egiten hasteko, lehenengo unibertsoa asmatu behar da". Beraz, indarkeriaren gaia, ume eta nerabeen artean jorratzen ez denez, hezkuntza eta sozietatea ikusteko eta bizitzeko erari egin nahi diogu aipamen.

Gaur egungo gazteok sozietatearen sistema kapitalista eta sexistaren barruan gaude, eta komunikabideek lobotomiaren atalik handiena egiten dute. Horrek, Solokoetxen, adin hauetan, emakumearenganako menpekotasun ia ikusezina eragiten du. Ez da matxismoa osotasun osoan, bi sexuak  baitira edertasun irudiaren obsesioaren errudun, eta honek ekartzen dituen ondorioen kaltetuak. Ume eta nerabeen artean, maitasunaren eta irudiaren izenean galtzen gara, eta dena onartuta dago, sexu baten degradaziora joz.

Ez dugu emakumearen menpekotasuna lortu nahi, ezta bi sexuen arteko berdintasuna. Berdintasunaren ideia horrek, norberaren duintasuna eta berezitasunak kentzen ditu. Lortu behar duguna, duintasun eta berezitasun horiek osatzen duten identitatearen barruan dauden ezaugarrien artean, sexua ezaugarrietako bat bezala sailkatzea da; identitate hori naturaltasunez hartuz, eta nola ez, onartuz. Ideia hori izendatzeko, "parekotasun" hitza erabiliko genuke, ezberdinen arteko elkartasuna; edo euskaraz esanda "kanbio-parekotasuna".

Hamaika kolorekoa dugu gurea, eta elkartzen gaituen kolorea morea da. Beraz, animatu zaitezte pertsona ezberdin eta bereziez osatutako taldean parte hartzen, eta gaur egun guztiok behar dugun heziketa jasotzen!