2013/04/30

IKUTZEKO ARTEA



IKUTZEKO ARTEA
 
   Martxoaren 22a, egun eguzkitsua. Osteguna da, eta, ohikoa den moduan ikasturte honetan, Bilboko Arte Ederren Museora joan gara gaur ere. Baina gaurko proposamena ezberdina izan da.  Aldez aurretik jardueraren izena besterik ez dugu jakin, Ikutzeko Artea, eta, egia esanda, jakin-minaz abiatu gara. Zer izango ote da?

   Ailegatu eta lasterrera Ikerrek eta Betitzek, ekintza honetako gidariek, zalantzak argitu dizkigute: itsuen munduan murgilduko ginen eta ilunetan bizi direnek errealitatea  zelan sumatzen duten ezagutuko genuen.

   Bikoteka jarri gaituzte, eta rolak banatu dizkigute: kide batek, begiak estalita daramala, itsuarena egingo zuen, eta besteak bere gidariarena. Honen eginkizuna funtsezkoa zela azpimarratu digute, bikotekidearen ziurtasuna bere esku zegoen eta. Gero, paperak aldatu behar genituen. Prest, orduan? Beheko pisura abiatu gara, astiro, urduri, begi barik, bikotekideari helduta, eta bere aholkuen zain estropezu ez egiteko. Harrigarria izan da zelan aldatzen den espazioaren dimentsioa iluntasunean. Galtzeko modukoa! Eta, bat-batean, konturatu gara zein arriskutsua bihur daitekeen edozein ekintza sinplea, adibidez, eskailerak igo eta baxatzea. Eskerrak bikotearekin goazela! Bere kontaktuak eta bere ahotsak babesa sentiarazi digute: lasaigarria da, benetan, lagun bat ondoan edukitzea. Eta konturatu gara, ere, zein gutxi baloratzen ditugun dauzkagun berezko altxorrak. Apur bat lasaiago, jada, hainbat eskultura zeuden gela batera heldu gara, eta hor, ukimenaren bitartez eskultura bakoitzaren materiala eta forma irudikatu behar izan dugu. Begiak estalita, argi ikusi dugu zein baldintzatuta gauden ikusmenagatik, eta zein gutxi garatu ditugun beste zentzumenak. Momentu berezia izan da: batzuen kasuan beldurra edo egonezina objektu ezezagun baten aurrean, nahiz eta jakin bizirik ez zegoela … bere zirrikituek eskua jango didate? Beste batzuk, arineketan eta azaletik ikutu dute, amaitzeko presa edukiko balute bezala; beste batzuk, berriz, patxadaz, lasai, goxotasunez laztandu dituzte eskulturak … Oso esperientzia ezberdinak, oso sentsazio diferenteak, oso erreakzio anitzak, gure taldea modukoak, baina aniztasunean dago aberastasuna.

                                                                                                                            4.DCko ikasleak



 

ELKARTASUNA



ELKARTASUNA SOLOKOETXEN

    Zubietxe elkartekoek eskerrak emonez “Elkartasun tapoien bilketa proiektuan” parte hatzea- gatik hasi ginen aurtengo kanpaina.

   Aurten ere AG21en eskutik parte hartu dugu tapoien bilketa proiektuan, birziklapena eta elkartasuna bultzatuz Alde zaharreko mutiko bati,familia bati laguntzen zoriontsu bildu eta ekarri ditugu tapoiak.

Egin dezagun bidea elkarrekin, aztarna gutxituz,elkartasuna bultzatuz


   


  


                                               
ESKERRAK GUZTIEI
 AGENDA 21

 

2013/04/29

LEKUKOA ERAMAN


KORRIKA NAGUSIAN KORRIKA LAGUN UGARI
 

Martxoaren 21ean Korrika Nagusia Bilbo hirira iritsi zen. Korrika urte askotan bezala, aurten ere gure ikastetxeko ordezkariak izan dira Korrika Nagusian:

Ikastetxearen izenean: 

Pili Ruano (idazkaria) eta Anabel Ortega (sukaldaria).

Gurasoen ordezkariak: 

Jokin Arriaga eta Gorka Ruiz (Lehen mailako gurasoak).

Ikasleen ordezkariak:

Nahia Larrañaga (1.maila) eta Aitor Tejedor (3.maila).

1818 kilometroa egokitu zitzaigun eta gaueko 21:40 inguruan iritsi zen gure artera. 

Gaueko bederatziak aldera bildu ginen lehen kideok, eta poliki - poliki ikastetxeko ikasle, irakasle eta gurasoak hurbiltzen joan ziren. Elkarrekin iritsi ziren lehen eta bigarren mailako ikasle askok gure kilometro ingurura. Hirugarren mailako beste horrenbeste inguruan kokatu ziren eta beste askok, zenbatu ezinak, korrikarekin batera iritsi ziren gureganaino.

Auzokideak, ikasle ohiak, zenbat lagun korrikaren alde korrika egiten. Giro zoragarria. Jarrai dezagun aurrera eta EMAN EUSKARA ELKARRI.

               MARIBEL



   

  

 

2013/04/23

KORRIKA TXIKI



KORRIKA TXIKIA 2013
 
2013.eko martxoaren 21ean korrika txikia ospatu genuen. Aurten beste urteetan ez bezala DBHko ikasleek korrika laguntzaile izan dira. Alde horretatik, Solokoetxe ikastetxeko borondatezko lagunek Karmelo ikastola eta Mina del Morro ikastetxeko maila ezberdinetako ikasleekin euskara dinamizatzaile eta bultzatzaile bilakatu dira.

Ikastetxe hauetako gela bakoitzeko gure ikastetxeko bi ikasle sartu dira irakasleen laguntzaile. Euskararen aldeko leloak bota, korrika laguntzen, ikasleekiko harremanak euskaraz mantentzen… eta une oro euskararen aldeko jarrera positiboa lantzen aritu dira.

Solokoetxeko ikastetxearen ardura erdiko pankarta eramatea izan da. Arazo tekniko batzuen erru hasieratik bukaeraraino korrika txikiren bukaerako pankarta izan dira, baina modu zuzen eta egokian jokatu dute une oro.

Aurretik aipatutako lanetan batez ere lehen zikloko ikasleak izan dira nagusi. Baina bestelako lanak ere egin izan dituzte, besteak beste: korrika txikiko lekukoaren barruan zegoen mezuaren egileak dira (Bertso eskolako kideak) eta trikitixa zein panderoarekin girotu korrika txikiaren bukaera.

Megafonia ganoraz ez zebilenez gure ikasleen lanak ez ziren behar bezala entzun eta bertsoak eta dantzak ezerezean geratu ziren. Baina gure ikasleen ahalegina bikaina izan zen.

Ikastetxean huts handia nabaritu zen, ikasle kopuru handia mugitu zen, 55 ikasle inguru kanpora ateratzean, sei irakasle atera behar izan zen korrika txikiekin aritzeko, lar irteera baterako kontuan izanik ikasleak ez zirela maila eta gela berekoak. Guk ere ikasi beharko dugu.

Hurrengo korrikarako ondo eginak kontuan izan eta gaizki egindakoak zuzendu.

    MARIBEL