2019/05/20

BILBOTIK INGELERAZ


BILBOTIK INGELERAZ

Apirilaren 12an 3. mailako B gelakook, irteera izan genuen gure ingelesa praktikan jartzeko. Lehenengoz, ibiltzen joan ginen Guggenheim-eko paseotik museora, baina, sartu beharrean, kanpoan egon ginen han zeuden turistei, lehengo egunean prestatutako galdera batzuk egiteko. Nire ustez, esperientzia oso interesgarria izan zen eta oso ondo pasatu genuen. Ondo dago noizbait gauza desberdinak egitea eta atzerriko hizkuntzak ere praktikatzea, gainera, leku askotako jendea aurkitu genuen, Estatu batuak, Ingalaterra, Japonia…

Honen ostean, Arte Ederretako museora joan ginen oinez ere, eta oraingoan bai, museora sartu ginen, Euskal Herriko artearen historia ingelesez kontatu zigun neska bat entzutera. Egia esan, neska honek ez zeukan ingelesa maila oso altua, baina, oso jatorra izan zen eta gauza oso interesgarriak kontatu zizkigun. Gainera,  ikus genezakeen, gaiari buruz asko zekiela.

Egin genituen tailerretako bat, Euskal musika taldeei buruz izan zen, egia esan ez genion sentsua ikusi, baina ondo egon zen, eta niri museoan ikusi genuen gauzarik politena iruditu zitzaidan.

Oinez bueltatu ginen etorri ginen bidetik, eta oso ondo portatu ginen. Bueltatu ginenerako klase orduak bukatu eta Aste santua hasi zen.

Garazi Oñate Zarraga (3.B)