2016/03/18

Euskararen astea. Bertso saioa






EUSKARAREN ASTEA DELA ETA…

 Ostegunean, bertso saio bat izan dugu Solokoetxeko Areto Nagusian. Jone Uria eta  Arrate Ilaro algortarrak, eta Amets Arzallus lapurtarra (2013ko Txapelketa Nagusiko Txapelduna) izan ditugu gaurkoan gurean.
Bertso saio dibertigarria izateko, proba zail batzuei aurre egin behar izan diete. Amets bertsoa pentsatzen ari zen bitartean belarrian xuxurlatzen aritu zaio Izaskun Manero gai jartzailea, adibidez.
Hau egin ostean, auzoko eskola arteko Bertso Lehiaketaren sariak banatu dira irabazleen bertsoak abestu direlarik. Bertso paper lehiaketan sailkapena, horrela geratu da: hirugarren postuan Uxue Elgorriaga, bigarrenean Izaskun Manero eta lehen postuan Eztizen Artola.


Eta honen ostean, Solokoetxeko Maitasun gutun, Ipuin lehiaketetako sariak ere banatu dira.
Honako ikasle hauek izan dira irabazleak literatura sarien irabazleak:
 -Maitasun gutunetan, hirugarren postuan Nagore Real Arrizabalaga, bigarrenean Karla Möbius Sanchez, eta lehen postuan Idoia Diez Santorcuarto.
-Ipuin lehiaketan, hirugarren postuan Laida Castañares Cordero, bigarrenean Izaskun Manero Setien eta lehen postuan Anjela Cacho Rodriguez.
Bukatzeko, bertsolariak eszenatokitik jaitsi eta publikoari abestu diote, barre batzuk egin eta amaitutzat eman dugu 2016ko Euskararen Asteko bertso saioa.
ESKERRAK EMAN ARDURADUNEI, BERTSOLARIEI  ETA NOLA EZ,  IKUSTERA ETORRI ZARETEN GUZTIOI!!!     


                                               

Herri kirolak



EUSKARAREN ASTEA DELA ETA…

Asteazken honetan, , 3. mailako ikasleak Herri Kiroletako jardunaldietan parte hartzera joan gara Gabriel Arestira
Ikastetxe desberdinetako ikasleak egon dira eta gure parte hartzea ezin hobea izan da. Ez dakigu irabazi dugun ala ez, baina garratzitsuena…

PRIMERAN PASATU DUGULA IZAN DA!!!!!!!!!




2016/03/17

EUSKARAREN ASTEAN…
EUSKAL DANTZAK!!!


Euskararen Astea dela eta, astearteko jolastorduan euskal musika jarri genuen eta ondoren, euskal dantzetan ibili ginen disfrutatzen. Taldetxo majoa animatu ginen,beittu!



Pitx dantza


Txapeloa

Zazpi jauzi

Berbagunea


BERBAGUNEA


Urtarrilaren 25ean , Euskara Batzordeko ikasleak Alhondigan euskera sustatzeko egin zen ospakizunera  joan ginen.Han, taldeka banatu gintuzten eta hiru gai ezberdin eman zizkiguten taldekideekin lantzeko ; moda,pirateria eta nerabeetan viagraren kontsumoa. Bizkaia osoko hainbat instituto ezberdinetako ikasleak hurbildu ziren hara, jende berria ezagutu eta eztabaidak euskaraz sortzea helburu zutela.
Moderatzaile nagusia Oihan Vega izan zen.
Esperientzia polita izan zen.





2016/03/03

NATUR ZIENTZIAK

INGURUKO HARRIAK EZAGUTZEN.LA GALERA MUSIKA ESKOLA,INSTITUTOA,SOLOKOETXE (FUSHU NAHIA MORALES 
D.B.H. 1A)


Ibilbide hau egin genuen,gure institutoaren ondoan dauden keluetan dauden arrokak hobeto ezagutzeko.Ibilbidean zehar,txosten bat bete behar izan genuen guri tokatutako arrokei buruzko apunteak hartuz.

Lau talde sortu zituzten irakasleek.Bik ibilbide bat egin zuten,eta beste biek bestea.
Guk lehenengo,La Galera musika eskola bisitatu genuen.Han kareharri grisa,eta Ereñoko kareharria ikusi genituen.
























Kareharri grisa arroka sedimentarioa da;ez du fosilik, eta bere mineral osagaiak kaltzio karbonatoa,kuartzoa,siderita….dira.

Ereñoko kareharria arroka sedimentarioa da.Bere fosilak errudistak (kusku biko moluskuak) dira, eta bere osagaiak kaltzita eta kaltzio karbonatoa.

Ondoren,Zumarraga kaleko portal batzuk ikusi genituen.Portal haietan kareharri zuria eta Markinako kareharria ikusi genituen.



Kareharri zuria arroka sedimentarioa da,eta bere fosilak animalia oskoldun itsastarrak dira.

Markinako kareharria,arroka metamorfikoa da;kareharrian du jatorria,eta bere osagai nagusia kaltzio karbonatoa da.

Zumarraga kalearen ostean,Solokoetxeko eskailerak ikusi genituen.Bertan,granito grisa eta marmola ikusi genituen.


Granito grisa magmatiko plutonikoa da.Ez du fosilik,eta bere osagai nagusiak kuartzoa,feldespatoa eta mika dira.

Marmola,arroka metamorfikoa da,eta kareharrian du jatorria.Osagai nagusienak kaltzio karbonatoa,kaltzita,eta ez-purutasunak dira.

Azkenik,institutoa ikusi genuen.Hantxe marmola,hareharria eta Markinako kareharria ikusi genituen.




Marmola eta Markinako kareharriaren ezaugarriak aurrerago aipatu ditut,baina hareharriarenak oraintxe esango ditut.

Hareharria arroka sedimentarioa da,eta bere osagaiak kuartzoa,feldespatoa,silizioa,bioklastoak….dira.

Ibilbidean zehar,arrokei,gelakideei… argazkiak atera genizkien sakeleko telefonoarekin eta argazki kamerarekin.

Hau izan zen gure ibilbidea.Mila esker irakurtzeagatik.

NATURA ZIENTZIAK


ALDE ZAHARREKO HARRIAK EZAGUTZEN.SOLOKOETXE,SANTIAGO KATEDRALA ETA ARRIAGA ANTZOKIA.(JUNE LANDA D.B.H. 1 A)

Urtarrilaren 12an,biologia eta geologiako klasean,Bilbon dauden harriak ezagutzera joan ginen.Bi talde egin genituen.Ni bigarren taldekoa nintzenez,Susirekin joan nintzen.Gure helmuga Arriaga Antzokira heltzea zen.Bidean,euria egiten hasi zen baina guk gure bidea jarraitu genuen,bidetik zeuden harriak ikusten eta identifikatzen.Hauek ikusi genituen:

GRANITO GRISA:harri edo arroka hau magmatiko plutonikoa da;hau da,lurraren barruan presio eta tenperatura handiekin sortu da.Solokoetxeko eskaileretan aurkitu genuen.Feldespatoz,mikaz eta kuartzoz osatuta dago,eta ez du fosilik.
                                                
MARMOLA:harri edo arroka hau  metamorfikoa da;hau da,lurraren barnealdean sortu da tenperatura eta presio handietan,baina magma bihurtu gabe.Hau ere,aurrekoa bezala,Solokoetxeko eskaileretan identifikatu genuen.Batzuetan,kuartzoz osatuta dago,eta ez du fosilik.Harri honek kareharrian du jatorria.

HAREHARRIA:harri edo arroka hau sedimentarioa da;lurrazalean sortu da harea pilatzerakoan,eta presio altuarekin gogortu denean.Santiagoko Katedrala harri honekin dago eraikita.Harez osatua dago,eta ez du fosilik.








KAREHARRIA:harri edo arroka hau,sedimentarioa da.Arriaga Antzokian ikusi genuen.Kaltzio karbonatoa uretan disolbatzen denean sortzen da.Arroka hau kaltzitaz osatuta dago,eta fosilak ditu.




EREÑOKO KAREHARRIA:harri edo arroka hau sedimentarioa da,eta energia asko dagoen lekuetan mineralak pilatzean sortzen da(itsasoko olatuekin…).Kaltzio karbonatoz osatuta dago,eta fosil errudistak ditu.Arriagan aurki daiteke arroka hau ere.




                                                                   
SIENITA:harri edo arroka hau,magmatiko plutonikoa da;hau da,magmatik sortu da.Arriagan aztertu dugu hau ere.Feldespatoz osatuta dago,eta ez du fosilik.
                                                 



2016/03/02

GU ERE ATMOSFERA GARA

KUTSADURA ATMOSFERIKOA

D.B.H 1eko ikasleoi, biologia geologia ikasgaian atmosfera gaia landu ondoren,argi geratu zaigu zein garrantzitsuak diren ingurumenerako, guk egiten ditugun gauzak.Egia da dena ezin dugula sahiestu,baina neurri handi batean,eta guztiok kontzientziatuz gero,asko egin dezakegu atmosferaren alde.Guztiok dakigu berotegi efektu artifizialak aldaketa klimatikoa dakarrela,euri azidoak hainbat izaki bizidunengan konponezinak diren eraginak dituela,eta ozono geruzaren mehetzeak gure osasunarekin bukatuko duela.Baina egiten dugu benetan zerbait hori guzti hori ekiditeko?
Horren guztiaren inguruan guk egindako ausnarketatik,hurrengo hormairudi hauek prestatu ditugu gelan.Horietan arestian aipatutakoak islatzen saiatu gara,eta bide batez,irtenbide posible batzuk botatzen ere ausartu gara.
Ia zuek ere antzeko zerbait egitera animatzen zareten!
















EZ AHAZTU!GU ERE ATMOSFERA GARA !