HELENA ETA HIZKUNTZEN MUNDUA

 HELENA ETA HIZKUNTZEN MUNDUA

	Noiz hasi zinen frantsesa ikasten eta zelan? Frantsesa ikasten txiki-txikitatik hasi nintzen, ez dut gogoratzen, amarekin txikitan frantsesez egiten nuen. Frantsesaz gain zeintzuk dira zure ikasketak? Unibertsitatean ikasitakoa filologia hispanikoa izan zen.
Noiz hasi zinen frantses klaseak ematen? Urte aldetik ez dut gogoratzen edo ez dut gogoratu nahi, ez, egia da, ez dut gogoratzen, baina lehenengotan euskara klaseak ematen hasi nintzen, gero frantses klaseak eta gero gaztelera klaseak, orduan urte luzeak dira. Atsegin duzu frantses klaseak ematea edo nahiago dituzu aipatu dituzun beste arlo horietako bat? Ba zer esango, euskara eman behar izan dut baita, euskara, gaztelera, frantsesa, denak ditut gustuko, azken batez, hizkuntzarekiko nolabaiteko zaletasuna dudalako orokorrean. Frantses eskoletan egia esanda oso ondo pasatzen dut eta oso atsegina da, baina besteetan ere gustura. Beti gustatu zaizu hizkuntza klaseak ematea? Ba egia esanda bai, ikasle nintzenean horretan nintzelako trebea eta hortik abiatuta ba, hori izan da gehien gehienik jorratu dudana. Ze hizkuntza nahiago duzu, frantsesa, euskara edo gaztelera? Zergatik? Niri ez zait gustatzen hizkuntzen arteko lehiarik egiterik, eta hori diodanean da, azken batez hiru hizkuntz horiekiko nolabaiteko lotura afektiboa dudalako. Momentu batzuetan modu batean hitz egiten dut eta beste batzuetan beste era batera, orduan hirurak darabiltzat, hirurak ditut gustuko,eta hirurak dira nire hizkuntzak. Jende askok esaten du euskaraz hitz egitea nahiko zaila dela, baina frantsesa errazagoa al da? Abiapuntuaren arabera, erdalduna izanik espainoletik abiatuta, egia da frantsesa ikastea nahiko erreza izan daitekeela, ortografia alde batera utzita, eta gramatikak nolabaiteko zailtasunak ditu baina orokorrean oinarri minimo bat hartzeko erreza da. Nondik datorkizu frantsesarekiko interesa? Txikitan eskola frantsesean aritu nintzelako agian irakasleengandik etorri zitzaidalako, agian nortasun agiria ere frantsesa dudalako, nolabaiteko harremana izan dudalako, hor influentzia ezberdinak egon dira. Orain Frantziari buruz hitz egingo dugu. Familiarik al duzu Iparraldean? eta horrela bada, noiz joaten zara bisitatzera? Bai, baditut izeko-osabak, eta nire aitatxi-amatxi zirenak bertakoak ziren eta nik Frantzia bera baino Euskal Herria ezagutzen dut. Ahal dudan guztietan, oporraldiro joaten naiz. Frantziako zein hiri gustatzen zaizu? Zergatik? Zalantzarik ez, Paris. Haren edertasunagatik, baina hori utopikoa da, horiek hitz hutsak dira, ikusi egin behar da, bertara joan behar da, bertako jendea ezagutu behar da, nahiz eta batzuk esan hotza dela bertako jendea, jendearekin egoteko aukera dugunean eta auzoetara hurbiltzeko aukera aprobetxatu behar da. Zer pentsatzen duzu Nicolas Sarkoziri buruz? Zer pentsatuko, ni politikaz aritua ez naiz eta gehiago geratzen naiz pertsonaiarekin beste ezerekin baino eta igual gehiago ezagutzen dudalako, politika maila handian baino, maila zabalean baino tokian tokiko politika. Nik Sarkozi ez dut esango baina Frantzian, udaletan eta dagoen politika gustuko ere baditut, gauza batzuk oso gustuko, eskubideak eta jorratzen dituztelako beste gauza batzuk egongo dira kritikagarriak direnak. Baina demagun, ama izateko laguntza mordoa dago, langabezian dagoenari laguntzak ematen zaizkio, andre bati lan egin nahi duena bai formakuntza eta baita udaletik bestelako laguntzak eskaini ahal zaizkio eta lanean aritu daiteke bere etxean bertan, gauza asko dago ezagutzeko eta gurera ekartzeko direnak. Egia al da frantsesak euskalduna baino dotoreagoak direla? Badakizue gai hori oso subjektiboa dela, edertasuna. Nik uste dut mutur biak daudela, batzuk oso traketsak eta inongo ardurarik ez daukatenak, eta beste batzuk berezko dotorezia dutenak. Frantses gastronomia oso ona omen da. Zein da zure plater gustukoena? Ba platerak baino nik neuk gustuko ditut txokolatea, foie eta horiek bereziki gustatzen zaizkit. Frantses kulturatik ze aspektu dira azpiragarrienak? Orokorrean gabiltzanean zaila izaten da esatea ze beti prototipotan jausten gara, gauza guztietan bezala, alde ona eta txarra dago. Frantsesak kartesianoak dira, eta hori txarra izan daiteke baina baditu bere alde onak ordenatua, beti ere badakizu aurrean duzun horrek polita ez dela eta, ze nolako jokabidea hartuko duen zeurekiko, holan bat-batean zaila egiten zait esatea. Zelan ikusten duzu frantsesaren eboluzioa hiztun kopuruaren arabera? Espainolaren antzean ikusten dugu kolonietan dagoela indar handiena, gure artean ere badaude frantses hiztunak, baina pasatzen dena da hurbiltasun hori galdu egin dugula. Handitzen doa, baina nik uste, hurbil dugulako denok jakin beharko genukeela frantses pixkatxo bat hitz egiten.
Azken hamarkada honetan ingelesak garrantzia handia hartu du garapenak mindu ahal du frantses hizkuntza? Frantsesa bada diplomaziaren hizkun- tza, nik uste bakoitzak baduela bere tokia,  eta ingelesak hartu duen bidea, nazioarteko hizkuntza bihurtzeko da. Baldin eta bada frantses kulturaz jabetu nahi dugula,  historiari buruz irakurri nahi dugula, edo beste hainbat gaietan gure burua trebatu nahi dugula,  frantsesa da nagusi frantses estatuak beste gauza batzuen artean kristolako diru laguntzak eta bultzakada ematen duelako orduan gaien arabera ere bada.
Zure ustez zertarako izan daiteke erabilgarria frantsesa? Hurbil ditugun pertsonak ezagutzeko nagusiki, gero beste hainbat gauzetarako, lehen aipatutako historia mailan oso argitalpen interesgarriak daude, sukaldaritzan aritzen denarentzako, baina gehien batez kultura mailan. Laburbildurik al daude SMS-ak idazteko? Bai, egongo dira, hemen dauden bezalakoak. Gomendatu al diguzu frantses filmaren bat? Ba oso modan egon den filma bat zeuek ezagutzen duzuena: " INTOCABLE", frantses pelikula txiki batzuk daude oso interesgarriak, baina horiek denak ez zaizkigu guri heltzen, orduan jatorrizko bertsioan ikusi behar dira, gu amerikarrak ikusten gaude ohituta eta pena da, zeren izen handiko frantses pelikulak daude ikusi beharrekoak direnak.                     IRATI CABRERA eta OLATZ LOPEZ (3.B)