EUSKARA ETXEA

EUSKARA ETXEA

Otsailaren 18an, astelehenean 2.Ako ikasleak Euskararen Etxera joan ginen. Goizeko 9:30etan irten ginen denok batera, hartu genuen metroa Unamunon eta San Inaziora abiatu ginen. 

Euskararen Etxera heldutakoan bideo bat jarri ziguten. Bertan, euskararen jatorriak eta euskara mota desberdinak azaldu ziren. Ondoren, hainbat pantaila zeuden gela batera eraman gintuzten, euskara sako- nago ikasteko asmoz. Euskararen euskalki motak aztertzeaz gain antzinako euskara ikertu genuen, ez dago argi jatorria, euskararen lehenengo aztarnak eta idazkiak aztertu genituen baita ere.

Amaitzeko, ordenagailuz betetako gela batera eraman gintuzten. Bertan, sare sozialei buruzko informazioa eman ziguten eta haietan hartu beharreko segurtasunari buruzkoa batez ere mintzatu zen. Joan baino lehen komiki batean hutsuneak bete behar izan genituen, binaka, ekintza hau handik pasatutako ikastetxe askok egiten dute, eta guztietatik komiki onenak sari bat jasoko du, tableta, hain zuzen ere!

                 LEIRE CABRERA (2.A)

Gaur 2.Bko ikasleok San Inazioko Euskara etxera joan gara. Bi ordu egon gara Azkue fundazioan. Barritxe, hango maskota da. Neska batek gida egin digu Azkue fundazioan.   

Bonapartek XIX. mendean sailkatu zituela euskal- kiak, eta Zuazok XXI. mendean eta Bonapartek egin- dako mapa linguistikoa berritu zuela azaldu digute. Horretaz gain, euskararen historiaren inguruan zenbait kontu ikasi dugu, adibidez oraindik ez dakigula nondik datorren.

Geroago bideo asko ikusi ditugu. Eta ondoren guk geure komiki propioa egin dugu, gurea uste baino dibertigarria izan da. Oso dibertigarria izan da, eta oso gustura egon gara guztiok. 

            IÑAKI PÉREZ eta OIER DURAN  (2.B)

Pasa den ostiralean, Otsailak 22an, 2.C mailako ikasleak, Deustu ondoan dagoen San Inazioko Euskal Etxera joan ginen.

Lehengo, gezurretako 2 trenen artean jarri gintuzten, horrek Euskararen zabalkuntza adierazteko eginda zegoela esan ziguten, hau da, euskara zabaltzeko trenak zirela. Ondoren 2 trenetan jarrita zeuden pantaila batzuetan bideo batzuk ipini zizkiguten, Euskara hizkuntzaren hizkera desberdinak zeudela adierazteko eta jakiteko. Euskal Herrian Euskara desberdinak hitz egiten zirela. Azkenik, informatika gela batean sartu ziguten, binaka jarri, bakoitzaren pribatutasuna azaldu eta komiki baten testua osatzeko lana eman ziguten. Hau da, tuenti, facebook, twitter eta horrelako sare elektronikoen arriskuak erakutsi zizkiguten, adibidez, bakoitzaren pasahitza norbaiti esatea ez zela komenigarria azaldu ziguten, edonor zure sarean sartu ahal delako eta zure argazkiekin edo zure lagunekin edozer egin. Egia esan, gehien gustatu zitzaidana informatikako lana izan zen, azalpenak interesgarriak eta kontuan hartzeko modukoak izan zirelako nire ustez eta komikia egiteko orduan, barreak bota genituelako nik eta Naiarak. Laburtuz, ez zitzaidan asko gustatu nahiz eta gauza batzuk bai. Gai nagusia niretzat “Euskararen hizkerak” eta “pribatutasuna” izan zen.

                                                       IRUNE ELGEZABAL 2.C

Otsailaren 22an 2.C klasea Euskararen Etxea deituriko lekura joan ginen, eta horri buruz iritzi testua idaztea eskatu ziguten.

Guri oso originala iruditu zaigu ideia hori, hau da, euskarak bizirik iraun dezan, gai horren inguruan, hizkuntza honen inguruan hitz egin eta ikasteko soilik egindako eraikina.

Hala ere, gustukoak izan ez ditugun gauzak aipatu behar dira; izan ere, gure adineko gazteoi umekeria iruditu ahal zaigu. Interesgarria izan da, noski, baina adibide bat jartzeko, Azkue fundazioaren maskota, ez zen batere barregarria guretzat, eta arauak azaltzeko beste zeozer asma zitekeen.

Bestalde, interes handia piztu dizkiguten gauzak izan dira, euskararen lehen idazkiak, Euskal Herria hitza lehen aldiz idatzia agertu zen liburua, gure hizkuntza zaharraren jatorriak azaltzea…

Gustukoa izan dugu komiki tailerra baita ere; baina ez dugu lotura handirik ikusi euskara eta interneteko ziurtasuna gaien artean.

Laburbilduz, gustukoa izan dugu, eta ez gara damutzen han egon izanaz, seguruenik ez ginateke geure kabuz joateko ideiarik izango, eta eskertzekoa da ibilaldia, baina hala ere, gure adineko gazteen interesa gehiago pizteko aldaketa batzuk egingo genituzke, informazioa guretzat onuragarria izan baita, baina azaltzeko era ez.

          OLATZ YURREBASO, ELDA UGARTE eta ENARA IGLESIAS (2.C)