2018/05/03

BALIO ETIKOAK


“BALIOAK” SOLOKOETXE INSTITUTUAN


“Balioak” nonahi azaltzen zaizkigu. Institututik kanpo eta barruan. Eginez ikasten dira. Bizitzen dira. Egunerokotasunean igartzen dira (edo beren hutsunea etsipenez sumatzen da). Solokoetxe institutuan badaukagu ere abagunerik, egunerokotasuna zein mundua hizpide izateko, hots: filosofia arloan “Balio Etikoak” Ikasgaia (DBHko maila guztietan, astean ordu bat, ematen dena). 2017-2018 ikasturte honen bukaeran taldeko proiektuak (3-5 ikaskide) egin ditugu ikasgaian eta, norberak gaia hautatua, ahozko eta digitaleko aurkezpenei eta proiektuetatik etekin praktikoa ateratzerari ekin diegu. Hona hemen zenbait adibide:   

Lehenengo mailan Leire L, Endika J, Endika A eta Martin taldekoek komentatzen dute “Gure proiektua frikis, anime eta mangari buruzkoa da. Gai hori aukeratu dugu gu geu frikiak garelako eta egokiro  zabaldu nahi dugulako horren ezagutza eta ulerkuntza”.


Bigarren mailan Ametsek, Ayak eta Jabik diote “dopinari buruzko proiektua egiten ari gara. Atsegin ditugun kirol askotan erabilia izan da eta aztertu nahi ditugu horren zergatiak eta bere kalteak gorputzean zein gizartean”.

Hirugarren mailan Fushu, Nora eta Duaaren gaia  Azterketa eta etxerako lanak da. Guk, ikasle bezala, uste dugu ikasteko eta ebaluatzeko prozedura horiek ez direla onak eta egokiak. Sakondu nahi dugu prozedura horietan (beren jatorria, funtzioak etab.) eta, inkesta baten bitartez, institutuko jendearen iritzia jaso nahi dugu”.


Laugarren mailan, azkenik, June, Betel, Carmen eta Maialen P ikasleen interesa izan da “postureo sare sozialetan eta horrek dakartzan ondorioak. Gure inguruko gehienek, guk barne, egiten ohi dugu eta askotan ez ditugu pentsatzen berekin datozen arazoetan: zure bizitza osoa argitaratua izatea”.

Beraz, animatzen zaituztegu zuen galderak eta interes preziatuak Solokoetxe institutura ekartzen jarraitzera. Ziur gaude familia eta eskolaren artean lortu ahal dugula guztiontzat baliotsua den hezkuntza gauzatzea!  
          IBON

No hay comentarios:

Publicar un comentario