ESKERRAK MARIJE

ZORIONAK, MARIJE !!!

Eskerrik asko laguna

handia gaurko eguna

neska-mutilak hezi dituzu

eraikiz etorkizuna

Ixabel da zure ama

Hezkuntza betiko lana

txiki-txikitan Usansolon ta

gero Bilbon alajaina!

 Eskerrik asko laguna

Pazientzia baldintza

zenbat izerdi ta bitsa!!!

mundu berria eraikitzeko

Hezkuntza da beti giltza

Eskerrik asko laguna

Landare, ibai ta ura

Marijerena natura

ingurumena ezagutzea

horixe baita kultura

Eskerrik asko laguna

Afiziozko bidaia

mundua ikusten saia

gaurtik aurrera ezagutuko

omen du ondo Bizkaia

Eskerrik asko laguna

Zuretzat azken baratza

etxetik bide erraza

lore ederrak landu dituzu

ta hainbeste kalabaza

Eskerrik asko laguna

Guzti-guztia egia

lekuko zuzendaria

gure eskerrak adierazteko

hauxe da omenaldia.

Doinua: "Egun da Santi Mamine"

TASIO ERKIZIA

Bilbon, 2015ko otsailak 6 – SOLOKOETXE BHI

Guztiok egongo ginen: ikasleak, irakasleak, irakasle izan zirenak, langileak ez irakasleak  guztiok konpartitu ditugu une zoragarriak Marijerekin

Beti ona izan zara

Zure ikasle guztiekin

Gu etorri ginenetik

Izan zaitugu gurekin

Klasean sartu ohi zinen

Beti aholkuekin

Gu firme egoten ginen

Zure irakasle armekin

Ezin izango zenuke

Zure lana hobe egin

Ta asko dago eskertzeko

Beti irrifar batekin

Eskerrik asko Marije

Diogu bihotzarekin

KATTALIN ETA IZASKUN

“Benetan plazerra izan da .

Orain jarraitu zure bidea munduan zehar,

beste lekuetan ere , hemen bezala,

zure aztarna uzten.

Beti izango zaitugu gure bihotzean,

Mundua zu gabe ez litzateke berdina izango

Zu gabe gu ere ez

Eskerrik asko Marije”

IRAKASLEOK