Abenduak 3.

ABENDUAK  3

Euskararen Nazioarteko Eguna abenduaren 3an izaten da, Xabierko Frantzisko deunaren egunean. Frantzisko 1552ko abenduaren 3an hil zen eta, kondairak dioenez, hil aurreko azken hitzak bere ama-hizkuntzan izan ziren, hots, euskaraz.

1949an Eusko Ikaskuntzak ezarri zuen egun hau euskararen nazioarteko egun gisara. 1995ean Eusko Jaurlaritzak eta Euskaltzaindiak bat eginik, Euskararen Nazioarteko Eguna instituzionalizatu egin zuten.

Frantzisko Xabierkoa, bataioko izenez Frantzisko Jatsu Azpilikueta, (Xabier, Nafarroako Erresuma, 1506ko apirilaren 7 - Shangchuan uhartea, Txina, 1552ko abenduaren 3) nafar santu euskalduna izan zen, San Inazio Loiolakoarekin batera Jesusen Lagundiko lehenengo zazpi kideetako bat, eta misiolari izan zena Indian, Malaysian, Txinan eta Japonian. Horregatik, Indietako Apostolua ezizena ezarri zioten. Eliza katolikoak San Frantzisko Xabierkoa izenarekin santutu zuen.

Nafarroaren eta Euskal Herriaren zaindaria da, eta abenduaren 3an ospatzen da haren eguna.

ABENDUAREN 3AN EUSKARAREN EGUNA DELA ETA

BERTSO-PAPER LEHIAKETA

Abenduaren 3an Nazioarteko euskararen eguna ospatuko da. Hau dela eta , Bertso -Paper  lehiaketa  bat egitea pentsatu dugu.

Lehiaketan parte hartzeko oinarriak:

-Lehiaketak maila bi izango ditu:

·         1. Zikloa eta 

·         2. Zikloa

-Bertso-paper bakoitzeko idatzi beharreko bertsoak gutxienez 1 eta gehienez 3 izango dira.

-Bertso guztiek jatorrizkoak izan beharko dute, hau da, inon argitaratu, aurkeztu eta saritu gabekoak. Ezizena  erabiliko da sinadurarako.

-Doinua eta neurria libreak izango dira.

- Gaia Euskararekin lotuta egon beharko da.

-Hizkuntza desegokia erabiliz gero bertsoa ez da aintzat hartuko eta hautagaia lehiaketatik kanpo geratuko da.

Epea: 

Lanak aurkezteko azken eguna 2014ko azaroaren 26a izango da.

Nori:

Lanak bakoitzari dagokion Euskara irakasleari eman beharko zaizkio.

Sariak:

·         1. Zikloa:  I.SARIA (15 euroko txartela) eta II.SARIA (10 euroko txartela)

·         2. Zikloa: I.SARIA (15 euroko txartela) eta II.SARIA (10 euroko txartela)