ANDONI LLOSA

ANDONI LLOSArekin solasean

2017-18ko ikasturte honetan, eta zehazki, Bio-Geo-ko arloan materiaren nortasuna zela eta, taldeka jarri eta bakoitzak gure inguruko gai bat jorratzea erabaki genuen. Geroago, Bilboko Zientzia Azokan, gure ikerketa aurkeztuz eta ondorioak azalduz.

Horrela ba, Zientzia Azokan aurkezteko gaien artean, Bilboko inguruetako txoriena nabarmendu zen. Gai hau lantzeko, gure irakasleak profesional batekin hitz egin genezan SEO eta BirdLife -ko ordezkaria den Andoni Llosa ekarri zigun eta berak lagundu ahal zigun horretan lana hobetuz.

Andoni, euskarazko irakaslea izan zen eta bere betidaniko naturarekiko pasioa ogibidea bihurtu zuen. Horrela SEO BirdLife (Sociedad Española de Ornitologia) erakundearen partaidea egin zen, eta elkartearekin lan egitera pasatu zen eta gaur gai honen aditua da.

Ordu bat egon zen gurekin eta txoriei buruzko informazioa eman zigun, besteak beste, hegaztien mokoen edo hanken desberdintasunak funtzioen arabera, emigrazio motak, hegan egiteko erak, etab azaldu zizkigun. Izan ere, Euskal Herrian ikusi ahal diren txorien artean desberdintasun asko eta oso nabariak daude ekosistema eta bizimoduaren arabera.

Geroago, klasea bukatu ondoren, lehen aipatu dugun taldearekin joan zen txorien zenbatzeko moduak etab. praktikan jartzeko. Gainera, SEO BirdLife-ko gida txiki bat eman zigun hegaztien informazioarekin.

Gure iritziz oso interesgarria izan zen eta ez genekizkien gauza asko eta asko ikasi genituen, adibidez, txorien behaketa egiteko metodo desberdinak eta, gainera, txoriak behatzeko bolondres egiteko konbentzitu gaitu.

OIER ILLERA eta KEVIN BILE (1. batxiler)