THE FRONT PAGE

The Front Page / Azal Nagusia / Primera plana

 

(Prentsa tailerrean ikusitako filma)

The Front Page (euskaraz Azal Nagusia) 1974ko Billy Wilder estatubatuar zinema zuzendariaren filma bat da. 1928ko Ben Hecht eta Charles MacArthur idazleen The Front Page antzezlanean oinarritua dago, aurretik, 1931an Lewis Milestone zuzendariaren The Front Page eta 1940ko Howard Hawks zuzendariaren His Girl Friday filmen bertsioak ere burutu zirelarik.

 

 Argumentua

Earl Williams (Austin Pendleton) poliziak hilketa leporatu eta heriotz zigorra gauzatzeko egun bakar bat falta zaion espetxeko preso bat da. Une berean, Hildy Johnson (Jack Lemmon), Chicago Examiner egunkariko kazetaria Peggy Grant (Susan Sarandon) pianojole gaztearekin ezkontzeko zorian da. Bikoteak Philadelphiara bizitzera joateko asmoa du, baina Chicago Examiner egunkariko Walter Burns zuzendaria (Walter Matthau) ez dago asmo horrekin bat, bere kazetari onena egunkarian gelditzea nahi baitu, hortaz Hildy eta Peggy banatzen saiatuko da. Burnsek Hildyk Williams presoaren urkatzeari buruzko erreportaia egin dezan nahiko du, baina Hildyk uko eginen dio. Osasun azterketan Earl presoak espetxetik ihes egitea lortu eta halabeharrez Hildyrekin kazetarien gelan topatuko da. Hildyk esku artean albistearen esklusiba bat duela ikusiz, Earl presoari elkarrizketa baten truk laguntzeko" prest agertuko da.

(Maider Diez)

Billy Wilder

Billy Wilder (1906ko ekainaren 22a - 2002ko martxoaren 27a) film gidoigile, zuzendari eta ekoizlea izan zen. Egungo Poloniako judutar jatorrizko familia batean jaioa, 1933an Ameriketako Estatu Batuetara joan zen. Hollywood-eko Urrezko Garaiko zuzendari onenetarikotzat jotzen da, haren film frankok kritikagileen zein ikusleen harrera beroa jaso zutelako.

Iritziak

Niri ez zait asko gustatu, baina ez dut esango gustatu ez zaidanik ere. The Front Page –Azal Nagusia- pelikula, kazetaritzari buruz doala kontuan harturik, ez dago gaizki. (Maider Diez)

Filmean zati interesgarriak egon dira: aldizkari bat egiteko, hasieran agertzen diren tresnak oso kuriosoak izan dira. Gustatu egin zait nola elkartzen zituzten argazkiak, hitzak... Ez nekien lehen aldizkariak horrela egiten zirenik. (Idauze del Valle).

Filma asko gustatu zait. Orokorrean umore ona du, eta, nahiz eta zaharra izan, oso ona da. Nire pertsonaiarik gustukoena Walter izan da Chicago Examiner-eko zuzendaria. (Peio Kamara)