2013/04/22

BERTSOLARIAK



BERTSOLARIAK GURE ARTEAN

Aurtengo euskararen astean bertsolariak izan ditugu gure artean. Bertsolari ospetsuak eta bertsolari hasi berriak.

Goizeko saioan Xabi Paya, Amets Arzalluz eta Jone Uria hurbildu zitzaizkigun. Saioaren hasiera zertxobait atzeratu zen oholtza prestatzea ahaztu zitzaigulako. Mikrofonoa martxan jartzea ere kostatu zitzaigun, baina mikrofonorik gabe ere saioa abian jarri eta ikasleek primeran aritu ziren. Aditasuna nabarmendu zen, bertsolariek zer esango zuten… adi-adi, mikrofonorik gabe aritu ziren saio tarte batean. Gerora arazo teknikoak konponduta dotore eta alaiki jarraitu zuten bertsotan.

Ikasleek aukeratutako gaiak ere agertu ziren han. Eta urtero bezala, goizeko saioan DBH 1. Mailako bertso sariak banatu ziren. Gurekin batera Karmelo ikastolako kideak egon ziren.

Hauek izan ziren gure ikastetxean saritutako bertsoak:
 
Lehenengo saria: Ena  Verhorst eta Izaskun Manero “Gure zorte ona”.
Hirugarren saria: Ixone Tierra eta Uxue Elgorriaga “Gelako haserrea”.
Aipamenak: Jokin  Arriaga eta Aitor Cadierno “Manifestazioa”.

Zorionerako bertsolari sarituak taulara igo eta bertsolarien laguntzaz zein laguntzarik gabe beraiek sortutako bertsoek bota zituzten publikoaren aurrean.

Arratsaldeko saioan Beñat Gaztelumendi, Sustrai Colina eta Oihana Bartra bertsolariak izan genituen gure artean. Oraingoan dena prest zegoen. Arratsaldeko saioa normaltasunez hasi zen, baina kanpotik etorritako zenbait kidek giroa nahastu zuten zertxobait.

Bigarren mailatan hauek izan ziren lan sarituak:

    Lehenengo saria: Leire Cabrera Altuzarra “Olatz”
    Bigarren saria: Leire Macarro “Euskara galdu”
    Hirugarren saria: Izaro Astui “Eztizen”

Bigarren saio honetan emozio negarrak eta urduritasunak atera ziren bistara eta emozioz beteriko sari banaketa izan zen.


Zorionak sarituei, eta animo partaide guztioi!!!

                 MARIBEL

   

   

   

   

   

   





 

No hay comentarios:

Publicar un comentario